23 февралдан Чилонзор метро бекатида она-бола хонаси ва ҳожатхона ишга туширилди. Ундан бепул фойдаланувчилар тоифалари белгиланди. Бу ҳақда "zamon.uz" сайти хабар бермоқда.
Она-бола хонаси ва ҳожатхона "Чилонзор" метро бекатининг Низомий номидаги Тошкент давлат педагогика университети томонидан кириладиган қисмида жойлашган.
Ҳожатхона аёллар ва эркаклар учун алоҳида бўлиб, аёллар ҳожатхонаси ичкарисида она-бола хонаси, яъни 1 ёшгача бўлган гўдакларни йўргаклаш хонаси ташкил этилган.
Она-бола хонаси ва ҳожатхона "Underground service" МЧЖ томонидан "Toshkent metropoliteni" ДУК билан ҳамкорликда қурилган бўлиб, ундан фойдаланиш ҳақи 1,5 минг сўм.
Қуйидаги тоифага кирувчи йўловчилар эса ҳожатхонадан бепул фойдаланишлари мумкин:
"Toshkent metropoliteni" ДУК матбуот хизматининг маълум қилишича, она-бола хонаси ҳамда ҳожатхона синов тариқасида қурилган бўлиб, натижа кутилганидек бўлса, йўловчилар оқими кўп бўлган яна 14 та метро бекатида ҳам барпо этилиши режалаштирилган.