Россиянинг бир қатор шаҳарларида Украинага бостириб киришга қарши намойишлар бўлиб ўтказилмоқда. Бу ҳақда BBC хабар тарқатмоқда.
Қайд этилишича, намойишлар Москва ва Санкт-Петербургда бўлиб ўтган ҳамда кўплаб кишилар ҳибсга олинган. Расмийларнинг айтишича, руслар бу ҳолатга норозилик билдирмаслиги керак.
Кун давомида Россиянинг турли шаҳарларида, жумладан, Иркутск, Омск, Астрахан ва Владивостокда индивидуал пикетлар ўтказилди. Кечга яқин намойишчилар сони кескин ошган.
Маълум қилинишича, кун давомида Россиянинг 40та шаҳрида бўлган намойишлар вақтида 600га яқин рухсат этилмаган митингда иштирок этган намойишчилар қўлга олинган.
Хусусан, Екатеринбургдаги урушга қарши митингда 60 га яқин одам ҳибсга олинган.
У ерда бир неча ўнлаб одамлар шаҳар маъмурияти олдида ўз-ўзидан пайдо бўлган митингга тўпланишиб, “Урушга йўқ!”, “Дунёга тинчлик”, “Путин, қўшинларни олиб чиқиб кетинг” каби шиорларни айтишган. Акция иштирокчиларининг айримлари ўзлари билан плакат олиб келишди. Бир мунча вақт уларга тегилмади, бироқ кейин ОАВ намойишчиларни тарқатиб, ҳибсга олишга киришилган.
