Аввалроқ, Президент Ражаб Тоййиб Эрдўғаннинг Украина Президенти Владимир Зеленский билан телефон мулоқотида Россиянинг Украинага ҳужуми ва сўнгги воқеалар муҳокама қилингани ҳақида хабар берган эдик.
Ҳуррият нашрининг хабар беришича, Туркия Ташқи ишлар вазири Мевлуд Чавушўғли ҳам, Россия Ташқи ишлар вазири Сергей Лавров билан телефон орқали мулоқот қилди. Вазир Чавушўғли Туркиянинг воситачилик таклифини такрорлади.
Вазир Чавушўғли, ҳарбий зиддиятнинг янада кучайиши ҳеч кимга фойда келтирмаслигини таъкидлаб, ҳарбий амалиётларни тўхтатишга чақирди.
Чавушўғли агар хоҳланса, Россия Федерацияси билан Украина ўртасидаги музокараларга мезбонлик қилишга тайёр эканликларини ҳам такрорлади.
