Россия қўшинлари Запороже вилоятининг Бердянск шаҳрини назоратга олди. Бу ҳақда Владимир Зеленский маслаҳатчиси Алексей Арестович бўлиб ўтган брифингда хабар берди.
"Бердянск душман томонидан босиб олинган, у ерда бизнинг қўшинларимиз йўқ эди, шаҳар эгаллаб олинган", -дейди Арестович.
Россия Мудофаа вазирлиги расмий вакили генерал-майор Игор Конашенков аввалроқ Қуролли кучлар ўтган кун давомида Херсон ва Бердянск, Геническ ва Чернобаевка аэродромини тўсиб қўйгани ҳақида хабар берган эди. Унинг қўшимча қилишича, Россия қўшинлари шаҳар ва қишлоқларга зарба бермаяпти, балки тинч аҳоли ҳаётини сақлаб қолиш учун барча чораларни кўради.
Эслатиб ўтамиз, 21 февраль куни Россия президенти Владимир Путин Донецк ва Луганск халқ республикаларининг суверенитетини тан олиш ҳақидаги мурожаатларига жавобан тегишли фармонни имзолади ва 24 февралда Украинада махсус ҳарбий операция бошланганини эълон қилди.
