Москванинг "Спартак" Европа лигасидан четлатилади. Бу клуб Россиянинг еврокубоклардаги ягона вакили ҳисобланади. Бу ҳақда Bild хабар бермоқда.
Қайд этилишича, якуний қарор бугун расман тасдиқланиши кутилмоқда.
"Спартак" Европа лигаси 1/8 финали қуръасида Германиянинг "Лейпциг"га қарши ўйнаши керак. Бироқ Россиянинг Украинага уюштирган ҳарбий юриши туфайли УЕФА клубни мусобақадан четлатиши мумкин.
“Биз ассоциациялар билан яқин алоқадамиз ва УЕФА ҳамда уларнинг қарорларига тўлиқ ишонамиз. Ўйинлар бекор қилинади деб ўйлаймиз", - деди Лейпциг президенти Оливер Минтцлафф.
Маълумот учун, "Спартак" 10 март куни Германияда ўйнаши ҳамда жавоб ўйини бир ҳафтадан сўнг нейтрал майдонда бўлиб ўтиши лозим эди.
