Кеча, 28 февраль куни Украинадан эвакуация қилинган ўзбекистонликларнинг илк гуруҳи Тошкентга етиб келди.
Қайд этилишича, илк рейсда 241 нафар Ўзбекистон фуқароси Польшанинг Катовице шаҳридан олиб келинган.
Улар орасида биринчи бўлиб эвакуация қилинганлар — аёллар ва болалар бўлди.
Эвакуация қилиниб, эсон-омон уруш ўчоғидан ватани бағрига қайтган аёллардан бири ўтган кунларини ёдга олиб шундай дейди:
"Қочдик ҳаммамиз. У ёққа, бу ёққа, беркиндик. Албатта ваҳима бўлди. Сирена чалинганда ертўлада жон сақладик. Энди ҳамма нарса орта қолди. Етиб келдик, минг шукр" — дейди у элчихона билан доимий алоқада бўлишганини таъкидлаб.
