Бугун, 1 март куни Катовице (Полша) шаҳрига учинчи махсус самолёт қўниши кутилмоқда. Бу ҳақда "Дунё" АА хабар бермоқда.
Шу муносабат билан элчихона ходимлари навбатдаги 250 нафар Ўзбекистон фуқаросини манзилга етказиш учун аэропортга жўнатиш ишларини ташкил қилмоқда.
Маълум қилинишича, 28 февраль куни маҳаллий вақт билан соат 23.00 да “Карчова” (Полша) назорат-ўтказиш пунктининг тўплаш пунктларида ўз ватанига учиб кетмоқчи бўлган 650 га яқин Ўзбекистон фуқароси тўпланди.
Элчихона маълумотларига кўра, яна 400 дан ортиқ фуқароларимиз Лвов шаҳридан Полшага жўнатилган.
Айни дамда ўзбек дипломатлари фуқароларнинг етиб келиши, уларнинг аэропортга тўпланиши ва самолётга ўтирилиши билан боғлиқ муаммолар билан шуғулланмоқда. Ўзбекистоннинг Варшавадаги элчихонаси 24 соатлик штаб-квартирага эга.
Эслатиб ўтамиз, кеча тунда ва бугун тонгда Украинадан эвакуация қилинган ўзбекистонликларнинг бир гуруҳи Тошкентга етиб келди.
