Аввал хабар қилганимиздек, бугун Украинадан эвакуация қилинган ўзбекистонликларни олиб келиш учун 3-махсус рейс учиб кетган эди
1 март куни соат 15:05да Польшанинг Катовице шаҳридан Украинадан эвакуация қилинган 253 нафар Ўзбекистон Республикаси фуқаролари «Uzbekistan Airways» АЖнинг учинчи махсус самолёти билан Ўзбекистонга учиб келмоқда.
Ташқи ишлар вазирлиги расмий вакилининг билдиришича, улар орасида 68 нафар аёл, 54 нафар бола ва 12 нафар чақалоқ бор. Борт Тошкентга тахминан 20:45да қўнади.
Шунингдек, бугун яна иккита рейс ташкил этилиши кутилмоқда.
Украинадан Польша ҳудуди орқали эвакуация қилинган Ўзбекистон фуқароларининг умумий сони 762 нафарга етди.
Эслатиб ўтамиз, кеча тунда ва бугун тонгда Украинадан эвакуация қилинган ўзбекистонликларнинг бир гуруҳи Тошкентга етиб келди.
