Қозоғистоннинг "Fly Arystan" авиакомпанияси борти “Наманган” халқаро аеропортига қўнди. Бу хабар "Uzbekistan Airports" АЖ матбуот хизмати хабар бермоқда.
Ҳаво кемаси 1-март куни Олмаотадан етиб келди. Анъанага кўра, самолёт тантанали равишда сувли арка билан кутиб олинди.
Таъкидлаш жоизки, бу нафақат "Fly Arystan" авиакомпаниясининг Наманган шаҳрига биринчи қатнови, балки Олмаота - Наманган йўналиши бўйича ҳам биринчи рейс бўлди. Яқин ойларда қатновлар чартер асосида амалга оширилади ва келгусида, доимий тўлиқ юкланган ҳолатда ушбу йўналишда мунтазам рейслар йўлга қўйилади.
Бортида 173 нафар йўловчиси бўлган Аирбус А-320 самолёти Намангандан Олмаотага жўнаб кетди.
