Россияга Toyota ва Lexus автомобилларини етказиб бериш вақтинча тўхтатилди,. Бу ҳақда Риа Новости агентлиги компания матбуот хизматига таянган ҳолда хабар берди.
Қайд этилишича, 4 мартдан Санкт-Петербургдаги Toyota заводи бутловчи қисмларни етказиб беришдаги муаммолар туфайли фаолиятини тўхтатади.
“Комплексларни етказиб беришдаги кечикишлар туфайли RAV4 ва Camry ишлаб чиқарувчи Санкт-Петербургдаги завод 4 март санасидан бошлаб ўз ишини тўхтатмоқда. Айни пайтда Россияга Toyota ва Lexus автомобилларини етказиб бериш вақтинча тўхтатилган, - дейилади компания берган хабарда.
Компаниянинг таъкидланишича, таъминот занжирлари тикланиши билан автомобилларни етказиб бериш қайта йўлга қўйилади.
