"Челси" клуби эгаси Роман Абрамович жамоани сотувга қўйганини эълон қилди. Бу ҳақда клуб матбуот хизмати хабар бермоқда.
“Мен ҳар доим клуб манфаатларидан келиб чиққан ҳолда қарорлар қабул қилганман, шунинг учун ҳозирги вазиятда уни сотишга қарор қилдим, чунки бу “Челси”нинг, мухлисларнинг, ходимларининг ҳамда ҳомийларининг манфаатларига жавоб беради, деб ҳисоблайман", - деди Абрамович.
Қайд этилишича, Абрамович "Челси" учун 4 миллиард фунт стерлинг нарх белгилаган. Ундан тушган пулларнинг барчаси хайрия жамғармасига ўтказилади. Бундан ташқари, Украинадаги урушдан жабрланганларга ёрдам сифатида берилади.
