Қозоғистон президенти Қосим-Жомарт Токаев чоршанба куни украиналик ҳамкасби Владимир Зеленский билан телефон орқали мулоқот қилди, тафсилотлар кейинроқ берилиши кутилмоқда. Бу ҳақда Токаевнинг матбуот котиби Берик Уали маълум қилди, дея ёзмоқда ТАСС.
"Украина томонининг ташаббуси билан давлат раҳбари Қосим-Жомарт Токаев ва президент Владимир Зеленский ўртасида телефон орқали мулоқот бўлиб ўтди", — дея Уали сўзларидан иқтибос келтирган.
Эслатиб ўтамиз, 24 февраль куни Россия президенти Владимир Путин Украинада махсус ҳарбий операция ўтказилишини эълон қилди. Шундан сўнг, АҚШ, Европа Иттифоқи, Буюк Британия, шунингдек, бир қатор бошқа давлатлар россиялик жисмоний ва юридик шахсларга нисбатан кучли санкциялар қўллади.
