UzAuto Motors комранияси ахборот хизматининг хабар беришича, нархлар ошганига қарамай, сотувнинг биринчи кунида жами 13 203та автомобилга шартнома тузилган.
Энг эътиборли ҳолат, бир вақтнинг ўзида бир шахс томонидан 35 та автомобиль учун шартнома тузилганлигидир. Сотувнинг биринчи куни жами 13 203 та автомобилга тузилган шартномалардан 6 836 таси (52%) шу тарзда тузилган.
Қайд этиш жоизки, «тадбиркорлар»нинг осон даромад топишга бўлган юқори қизиқиши, энг аввало, ўз эҳтиёжлари учун автомобиль сотиб олмоқчи бўлган истеъмолчилар учун ноқулайликларни юзага келтириб, ортиқча талабни шакллантиради.
Компания маълум қилишича, автомобиллар қайта сотиш учун эмас, балки шахсий эҳтиёжи учун автомобиль сотиб олаётган мижозларга автомобилларни етказиб беришни биринчи ўринга қўяди.
Автомобилларни қайта сотиш эҳтимоли билан тузилган шартномалар аниқланган тақдирда, компания шартнома шартларига мувофиқ (3.1.2 бандга мувофиқ) автомобилни етказиб бериш муддатини қўшимча 120 кунга оширади.
