Шаъбон ойи ҳижрий-қамарий ойларнинг саккизинчиси бўлиб, у муборак рамазон ойидан битта олдинги ой ҳисобланади.
Бу ойда янада кўпроқ нафл рўза тутиш, Қуръон тиловат қилиш ва тунги ибодатлар билан машғул бўлиш лозим.
Расулуллоҳ соллаллоҳу алайҳи васаллам бу ойда кўп нафл рўза тутардилар.
Усома ибн Зайд розияллоҳу анҳу: "Ё Аллоҳнинг Расули, ойлардан ҳеч бирида Шаъбон рўзасидек рўза тутганингизни кўрмадим", дедилар. У зот соллаллоҳу алайҳи васаллам: “Бу бир ойки, одамлар ундан ғафлатда қоладилар. У Ражаб билан Рамазоннинг орасида. Бу бир ойки, унда амаллар Роббил оламийнга кўтарилади. Мен амалларим кўтарилаётганда рўзадор бўлишни яхши кўраман”, дедилар (Имом Насоий ривояти).
