Эрон пойтахти Теҳрон шаҳрида таеквондо бўйича "Фажр Опен" халқаро мусобақаси бўлиб ўтмоқда.
Бугун, 7 март куни "Фажр Опен" халқаро мусобақасининг иккинчи кунги баҳслари бўлиб ўтди. Қувонарлиси, унда Ўзбекистон терма жамоаси аъзоси Светлана Осипова олтин медални қўлга киритди.
+73 кг вазн тоифасида баҳс олиб борган ҳамюртимиз барча рақибаларини мағлуб этиб финалга чиқди. Ҳал қилувчи баҳсда таеквондочимиз эронлик Захра Поуресмаилкарани устидан 4:0 ҳисобида ғалаба қозонди.
Маълумот учун, кеча 6 март куни ушбу мусобақада ўзбекистонлик таеквондочилар Чарос Қаюмова ва Озода Собиржонова кумуш медални қўлга киритишган эди.
