Қашқадарё вилояти ҳокими қарори билан Карамова Комила Зайдуллаевна вилоят ҳокимининг ўринбосари – оила ва хотин-қизлар бошқармаси бошлиғи вазифасини бажарувчи этиб тайинланди. Бу ҳақда ҳокимлик матбуот хизмати хабар қилди.
К.Карамова тайинловга қадар 2020 йилдан вилоят Маҳалла ва оилани қўллаб-қувватлаш бошқармаси бошлиғининг биринчи ўринбосари - вилоят ҳокимининг хотин-қизлар масалалари бўйича маслаҳатчиси вазифасида ишлаб келаётган эди.
Маълумот учун: айни пайтда қатор вилоят, шаҳар ва туманларда ҳоким ўринбосари – оила ва хотин-қизлар бошқармаси бошлиғи лавозимига тайинловлар амалга оширилмоқда.
