Ушбу ҳудудларда сув таъминотининг эҳтимолий тикланиш вақти номаълум.
Тошкент шаҳри, Юнусобод туманидаги Бўз-сув сув олиш иншооти ҳудудида Д-1000 тармоқда юзага келган носозлик туфайли ушбу тармоқ ўчирилди.
Бу ҳақда "Тошкент шаҳар сув таъминоти" хабар берди.
Шу муносабат билан қатор ҳудудлар сувсиз қолди.
Юнусобод ва Мирзо Улуғбек туманларида:
Фирдавсий, Шивли, Мингўрик, Янги тарнов, Отчопар, Шаҳристон, Халкобод, Эзгулик, Инжобод, Отчопар 1, Отчопар 2, Хиёбонтепа, Ифтихор, Янги Ариқ, Турк Қўрғон, Уста Ширин, Марказ-4 мавзеси, 7-сонли шаҳар касалхонаси, Оққўрғон МФЙ.
"Улар сув ташувчи техника орқали сув билан таъминланади",-дейилади хабарда келтирилган ноқулайликлар учун узр сўраб.
