Жорий йилнинг 4 февралидан то бугунга қадар, Тошкент имтиҳон марказига автомактабларни тугатиб 2406 нафар одам келди.
Шун фуқаролардан 347 тасигина имтиҳонлардан ўта олган. Қолган 2059 нафар фуқаро эса имтиҳонлардан йиқилган. Бу ҳақда Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов маълум қилди ва ҳолатга муносабат билдирди:
Ҳатто компьютерда ишлашни билмайдиганлар ҳам келяпти. Жуда кўпчилик масалани осон йўлини қидиряпти (ўрганиб қолганда). Яна кимлардир бу вақтинчалик, эртага ёпилиб кетади булар деган гапларни ҳам эшитяпмиз (чучварани умуман санамабсиз).100 доллардан 500 долларгача ходимларимизга пора бермоқчи бўлганлар қанча. Аввал шундай бўлган.
Энди коррупциянинг (миллионлар- долларларда) миқдорини тассавур қилинг. Шунинг учун ҳам охирги пайтларда мен ҳақимда заказ мақолалар кўп чиқди. Ким қилаётганини ҳам биламиз. Вақти соати келиб сиз ҳам уларни биласиз, ҳозир вақти эмас. Марказ атрофида изғиб юриб, ўтган кетгандан имтиҳонни ҳал қилиб беришни сўраётганлар қанча.
Энди савол!? Наҳотки ўқиб келиш шунчалик қийин? Наҳотки фақат пул билан ҳал қилиш керак имтиҳонни? Ўқисангиз эртага ўзингизга яхшику. Машинада эртага ота-онангиз, фарзандларингизни олиб юрасиз. Рулда билимли одам бўлгани яхшими ёки қоидаларни билмайдиган одам? Бу фақат фойдаку.
Биз ҳатто имтиҳонга тайёрловчи экспресс курсларни ҳам очдик. Хоҳласангиз шу ерда ўқинг. Барибир одам аралаша олмайди имтиҳонга, шунга ишонинг. Ўқигингиз келмаса машина ҳайдагингиз ҳам келмасин. Узууурр!! Тугади...
