АОКАда Фавқулодда вазиятлар вазирлиги мутасаддилари иштирокида ўтказилган матбуот анжуманида аҳоли ва ҳудудларни фавқулодда вазиятлардан муҳофаза қилиш: 2021 йилда бажарилган ишлар якуни ва 2022 йилдаги асосий вазифалар юзасидан маълумот берилди:
Таҳлилларга кўра, 2021 йилда республика ҳудудида жами 126 та фавқулодда вазият (80 та техноген, 46 та табиий) содир бўлган. Уларнинг асосий қисмини йўл-транспорт ҳодисалари (31%), аҳоли уй-жойларида газ (портлаши) чақнаши (13,5%), аҳолининг табиий, ис газидан ва токсик моддалардан заҳарланиши (31,7%), бинолар, иншоотлар ва ер жисмларининг қулаши (7,1%), автомобилдаги ёнғин ҳодисалари (4%) ташкил этган.
2021 йилнинг 12 ойи давомида республикада 10 667 та ёнғин содир бўлган.
