Америка ҳарбий хизматчилари Украинада юз бераётган урушда иштирок этмайди. Бу ҳақда АҚШ Мудофаа вазири Ллойд Остин CNN телеканалига берган интервьюсида маълум қилди.
"АҚШ президенти бизнинг қўшинларимиз Украинадаги Россия билан можарода иштирок этмаслигини аниқ айтди”, — деди Остин.
Остин Украина узра парвозларни тақиқловчи ҳудуд ташкил этилса, АҚШ унинг осмонини назорат қилишга ва Россия самолётларини уришга мажбур бўлишини эслатган.
"Шундай қилиб, биз Россия билан тўқнаш келган бўлардик. Гап икки ядровий давлат ҳақида кетяпти. Ҳеч ким уларнинг можарога аралашишини истамайди. Бу минтақа ва бутун дунё учун ёмон бўларди", деган у.
