3-4 март кунлари Ўзбекистон пойтахтида БМТ Глобал аксилтеррор стратегиясини амалга ошириш бўйича Марказий Осиё давлатларининг минтақавий ҳамкорлигига бағишланган халқаро конференция иштирокчилари томонидан қабул қилинган Тошкент декларацияси, БМТ Бош Ассамблеясининг 76-сессиясининг расмий ҳужжати сифатида тан олинди.
Ҳужжат БМТнинг 6 та расмий тили — инглиз, араб, испан, хитой, рус ва француз тилларига таржима қилиниб, барча аъзо давлатлар ва БМТнинг ихтисослашган муассасаларига тарқатилган.
Эслатиб ўтамиз, Тошкентдаги конференция Шавкат Мирзиёевнинг БМТ Бош Ассамблеясининг 75-сессиясида илгари сурилган ташаббусини амалга ошириш доирасида ташкил этилган эди.
