Кўпқаватли уйдан йиқилиб тушган юртдошимиз Ўзбекистонга қайтарилди. Бу ҳақда Ташқи меҳнат миграцияси агентлиги хабар қилди.
Маълум қилинишича, Россия Федерациясининг Владивосток шаҳрида хоразмлик юртдошимиз Ю.Р. эҳтиётсизлик оқибатида кўпқаватли бинонинг 2-қаватидан тушиб кетган. Натижада ногиронлик аравачасига ўтириб қолган.
Мамлакатимизнинг Владивосток шаҳридаги Бош консулхонаси томонидан фуқарога Владивосток-Тошкент йўналишидаги авиарейс учун авиачипта олиб берилди. Маҳаллий ўзбек диаспораси вакиллари ва фаол ватандошлар ҳамкорлигида Ўзбекистонга қайтарилди.