Пойтахт ҳокими Жаҳонгир Ортиқхўжаев айни кунларда ҳоким ўринбосарлари ва секторлар раҳбарлари билан маҳаллалар ҳаёти, аҳоли турмуш тарзи ва муаммоларини ўрганмоқда.
Тошкент шаҳар ҳокимлиги хабарига кўра, Ортиқхўжаев бошчилигидаги мутасаддилар кеча Юнусобод туманининг "Боғи эрам" маҳалласида бўлишди.
Шу ернинг ўзида Юнусобод тумани аҳолиси учун сайёр қабул ҳам ташкил этилиб, фуқароларнинг мурожаатлари кўриб чиқилгани айтилади.
Хусусан, ҳоким сайёр қабулдаги аёл олдида ўзидан олдинги ҳокимлар ва ўзи номидан ўзр сўради.
Ортиқхўжаев, шунингдек, 3 нафар имконияти чекланган болаларни асраб олиб, уларни спорт мусобақаларида чемпион бўлишига сабаб бўлган аёлга 3 хонали уй ваъда қилди.
"1 ҳафтада 3 хонали квартира берилади, ўзларининг номига ўтказиб берамиз",-дейди ҳоким.
Бундан таъсирланган аёл кўз ёшларини яшира олмади.
"Шунақанги миннатдорман",-дейди у қувонч ёшлари билан.
