Наманган шаҳри Давлатобод тумани "Халқлар дўстлиги" маҳалласида ичкиликбозлик ортидан содир бўлган жиноят юзасидан муҳокама йиғилиши бўлиб ўтди. Бу ҳақда Наманган вилояти ИИБ матбуот хизмати хабар бермоқда.
Йиғилишда қотиллик жинояти тафсилотлари маълум қилинди.
Келтирилишича, 1987 йилда туғилган шахс ўзидан 11 ёш катта фуқаро билан тортишиб қолади. Отасини ҳақорат қилганлиги сабабли, чўнтагидан пичоқ олиб, фуқаро танасининг орқа қисмига 1 марта санчиб жароҳат етказади. Ҳодиса содир бўлган вақтда ҳар иккала фуқаро спиртли ичимлик таъсирида бўлган.
Натижада жабрланувчи воқеа жойида вафот этади. Ҳолат юзасидан Давлатобод тумани прокуротураси томонидан Жиноят кодексининг 97-модда 1- қисми билан жиноят иши очилган.
