Сербияда ишлаш истагида бўлганларга мавсумий иш таклиф этилди

Сербияда мавсумий қишлоқ хўжалиги ишларига Ўзбекистон фуқаролари таклиф этилади.

Ташқи меҳнат миграцияси агентлиги хабарига кўра, иш ҳақи соатига 3 евродан тўланади.

Таъкидланишича, фуқароларнинг турар жойи ва овқатланиш харажатлари иш берувчи томонидан қопланади.

Номзодларга қўйиладиган талаблар қуйидагича:

•  18 - 45 ёшгача бўлиши;
• мактаб, лицей ёки касб-ҳунар коллежини тамомлаган бўлиши;
•  рус ёки инглиз тилида мулоқот қила олиши;
•  судланмаган бўлиши.

Мазкур бўш иш ўринларига қизиқиш билдирган фуқаролар учун танловлар вақти ва жойи:

5 апрель:

Самарқанд, Бухоро, Навоий, Сурхондарё ва Қашқадарё вилоятлари учун:

Самарқанд шаҳри, Нарпай кўчаси 7-Б уй, "Ишга марҳамат" мономаркази.

Мўлжал: Кимёгарлар қўрғони

(66) 233-24-00, (66) 233-53-00.

7 апрель:

Хоразм вилояти ва Қорақалпоғистон Республикаси учун:

Урганч шаҳри, Байналмилалчи кўчаси, 6-уй. "Ишга марҳамат" мономаркази биноси.

 (62) 229-19-96.

Танловда қатнашиш истагида бўлган фуқаролар ўзлари билан қуйидаги ҳужжатларнинг электрон шаклини олиб келиши шартлиги айтилади:

•  Хорижга чиқиш паспорти сканер варианти;
• 3,5х4,5 ҳажмдаги фотосуратнинг электрон шакли.