Россия Владимир Путин ва Зеленский ўртасида учрашув ўтказиш имкониятини истисно этмайди. Бу ҳақда Президент матбуот котиби Дмитрий Песков маълум қилди, дея ёзмоқда Zamon.uz' нашри.
“Биз учун ҳеч нарса ўзгармади. Биз президентимизнинг учрашуви эҳтимолини рад этмаймиз”, - дейди Песков журналистларга қарата.
У Зеленскийнинг, эҳтимол, бу учрашув бўлиб ўтмаслиги ҳақидаги баёнотини шундай изоҳлади.
“Аммо биз яна бир бор такрор айтамизки, бундай учрашув фақат ҳужжат матни келишилганидан кейингина мумкин бўлади”, — деган матбуот котиби.
Шунингдек, у Россия томони Украина билан музокаралар жараёни ҳақида маълумот бермасликни маъқул кўришини маълум қилди.
