Самарқанд шаҳрида 26 ёшли фуқарони фоҳишалик билан шуғулланиш мақсадида Туркияга юбормоқчи бўлган аёл қўлга олинди. Бу ҳақда Самарқанд вилояти ИИБ матбуот хизмати хабар бермоқда.
Маълум қилингишича, ўтказилган тезкор тадбирда 26 ёшли жувонни Туркияга фоҳишалик қилиш учун бормоқчи бўлган 36 ёшли аёл ушланган. Ҳолат тегишли тартибда расмийлаштирилган.
Ҳозирда тўпланган ҳужжатлар Самарқанд шаҳри бўйича ички ишлар органи фаолиятини мувофиқлаштириш бошқармаси ҳузуридаги тергов бўлимига тақдим этилган ва аёлга нисбатан жиноят иши қўзғатилди.
