Бугун, 7 апрель куни соат 05:56 да Самарқанд вилояти Оқдарё тумани "Наврўзʼʼ МФЙ Ўзбекистон кўчасида жойлашган "Агро Сервис" машина трактор паркида ёнғин содир бўлди. Бу бўйича туман ФВ бўлимига хабар келиб тушган. Вазирлик буни маълум қилмоқда.
Қайд этилишича, воқеа жойига 5 та ёнғин-қутқарув экипажилари жалб этилган. Ёнғинга соат 06:00 да етиб борибган ва соат 06:50 да ёнғин тўлиқ бартараф этилган.
Ёнғин натижасида машина трактор паркининг токарний цехининг 150 кв.м майдонда шифт, том ва ички қисмидаги дастгоҳлари ёниб зарарланган.
"Ҳодиса оқибатида ҳалок бўлган ва жабрланганлар йўқ. Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда",-дейилади хабарда.
