Ижтимоий тармоқда тарқалган, Яшнобод туманида юк автомобили билан боғлиқ содир бўлган кўнгилсиз ҳодиса юзасидан ЙҲХББ қуйидаги маълумотларни тақдим этди.
Бугун, 2022 йил 8 апрель куни соат 16:30 ларда, Тошкент шаҳар, Яшнобод тумани, Махтумқули кўчасида, ҳайдовчи, 1955 йилда туғилган Ю.С. "МАЗ54323" русумли юк автомобилига уланган ярим тиркамага "контейнер" ортиб ҳаракатланиб кетаётган вақтда, ортилган "контейнер"нинг тепа қисми ушбу кўчадан кесиб ўтган кўприкка тегиб қолган ва "контейнернинг" бир томони ярим тиркама устидан ерга тушган.
Ҳолат юзасидан Тошкент шаҳар ИИББ ЙҲХБ ва йўлга масъул идора ходимлари томонидан тегишли ҳужжатлар расмийлаштирилган.
