"Ўзгидромет" хабарига кўра, бугун кундуз куни Ўзбекистон бўйича ҳаво ўзгариб туради, ёғингарчилик кутилмайди, фақат Қорақалпоғистонда, Хоразм, Бухоро, Навоий вилоятларида баъзи жойларда қисқа муддатли ёмғир ёғиши, момақалдироқ бўлиши мумкин. Шамол 7-12 м/с тезликда эсади, баъзи жойларда шамол 17-22 м/с гача кучайиши, айрим жойларда чанг тўзонлар кузатилиши, Бухоро, Навоий, Жиззах, Сурхондарё вилоятларида 25-28 м/с гача кучайиши мумкин. Кундузи ҳаво 24-29° гача исийди.
Шунингдек, Тошкентда ёғингарчилик кутилмайди. Шамол 5-10 м/с тезликда эсади. Ҳарорат 26-28° бўлади.
Тоғ олди ва тоғли ҳудудларда баъзи жойларда қисқа муддатли ёмғир ёғиши, момақалдироқ бўлиши мумкинлиги айтилмоқда. Қайд этилишича, шамол 7-12 м/с тезликда эсади, момақалдироқ вақтида кучайиши мумкин.(17-22 м/с гача) Ҳарорат 20-25° бўлади.