Аввал хабар берганимиздек 18-23 апрель кунлари “Китобсевар миллат” шиори остида “Китобхонлик ҳафталиги” ўтказилади. Бугун Ўзбекистон Миллий кутубхонасида ҳафталикнинг расмий очилиш маросими бўлиб ўтди, дея хабар бермоқда "darakchi.uz" мухбири Ойбек Шукуров.
Таъкидланишича ҳафталик доирасида бир қанча адабий, “Биз буюк давлат, буюк тарих, буюк маданият яратган халқмиз” шиори остида маданий-маърифий тадбирлар, давра сухбатлари, театр томошалари, китоб тақдимотлари ўтказилиши режалаштирилган.
Шунингдек ҳафталик давомида турли халқаро меморандумлар имзоланиш маросимлари, “Энг яхши ёш китобхон” танловлари бўлиб ўтиши таъкидланди.
