Ташқи меҳнат миграцияси агентлигининг Кореядаги ваколатхонаси раҳбари мазкур кемасозлик комплекси фаолияти билан танишди. Бу ҳақда агентлик хабар бермоқда.
Қайд этилишича, Мокпо шаҳри жойлашган дунёдаги энг йирик кемасозлик комплексларидан бири ҳисобланган "Hyundai Samho Heavy Industries"да йилига ўртача 40 дан зиёд кема ишлаб чиқарилиши йўлга қўйилган бўлиб, ҳозирда ушбу ташкилотда 300 нафардан ортиқ фуқароларимиз вақтинчалик меҳнат фаолиятини амалга ошириб келмоқда.
Учрашув давомида Ўзбекистондан малакали мутахассисларни ишга жалб қилиш борасида ҳамкорлик қилиш юзасидан фикр алмашилгани айтилади.
