Европа хавфсизлик ва ҳамкорлик ташкилоти (ЕХҲТ) ва БМТ бошқа самаралироқ институтларга алмаштирилиши керак. Бу ҳақда zamon.uz Украина мудофаа вазири Алексей Резниковнинг "The Wall Street Journal" газетасида эълон қилинган мақоласига таяниб хабар бермоқда.
"Бу ташкилотлар барбод бўлди. Уларга қадар фаолият юритган Миллатлар Лигаси каби, ушбу тузилмалар ҳам янги ва самаралироқ, фақатгина ўта қудратли давлатлар эмас, балки барча мамлакатлар манфаатларига хизмат қиладиган халқаро институтларга алмашиши керак", — деб қайд этган вазир.
У янги тузилмада таҳдидларга автоматик муносабат билдириш механизми бўлишини таклиф қилган. Унга кўра, ҳар қандай агрессор низо бошланиши билан олдиндан тайёрлаб қўйилган санкциялар орқали жазоланади. Резниковнинг сўзларига кўра, агар шу каби чоралар Россияга қарши олдиндан кўрилганда эди, ҳозир вазият бутунлай бошқача бўлган бўларди.
