Франция президенти Эммануел Макрон Россия президенти Владимир Путинга қўнғироқ қилган. Бу ҳақда Le Parisien хабар бермоқда.
Қайд этилишича, икки давлат раҳбарларининг суҳбати 2 соат 10 дақиқа давом этган.
Макрон ушбу суҳбат мазмуни тафсилотларини ҳозирча ошкор қилмади.
Айни пайтда Кремлнинг хабар беришича, Путин Макроннинг эътиборини Европа Иттифоқининг "Украина хавфсизлик кучларининг ҳарбий жиноятлари"га эътибор бермаслигига қаратган.
Путиннинг сўзларига кўра, Ғарб Киев расмийларига тегишли таъсир кўрсатиш, шунингдек, Украинага қурол-яроғ етказиб беришни тўхтатиш орқали бу “ваҳшийликларни” тўхтатишга ёрдам бериши мумкин.
Шунингдек, у Киевнинг “нотўғри ва жиддий ишларга тайёр эмаслигига” қарамай, Россия томони ҳамон мулоқотга очиқлигини айтди.
