НАТО Украинани қўллаб-қувватлайди, лекин можарони катталаштириш ниятида эмас. Zamon.uz' нашри бу ҳақда хабар берди.
Қайд этилишича, Иттифоқ Бош котиби Йенс Столтенберг “Welt am Sontag” газетасига берган интервьюсида урушнинг бошқа давлатларга тарқалишини олдини олиш кераклигини айтган.
“Афсуски, биз Украинада ойлар ва ҳатто йиллар давом этиши мумкин бўлган узоқ урушга тайёр бўлишимиз керак. Узоқ муддатда Украина фақат Совет Иттифоқи қуроллари билан ўзини ҳимоя қила олмайди ва Ғарбнинг замонавий қуролларига ўтиши керак. Украина кўпроқ оғир қуролларга муҳтож, Ғарб таъминотни кучайтириши керак.
Биз бу давлатни қўллаб-қувватлаймиз, аммо НАТО онгли равишда уруш иштирокчиси эмас. Шунинг учун биз Украинага НАТО қўшинларини жўнатмаймиз”, — дея тушунтиради Столтенберг.
