Туркманистон Президенти Сердар Бердимуҳамедов 6 май куни бўлиб ўтган Вазирлар Маҳкамаси мажлисида вилоятлар раҳбарияти давлат раҳбари топшириғига кўра фахрийларга, шунингдек, ҳарбий хизматчининг бевасига совға бериш тўғрисидаги фармонни имзолади. Бу ҳақда "Хроника Туркманистан" портали хабар бермоқда.
Қайд этилишича, урушда ҳалок бўлган ҳар бири 200 манат (давлат курси бўйича 57,1 доллар ёки “қора бозор” курси бўйича 10 доллар) ва қимматбаҳо совғалар берилади.
Худди шу миқдорда фахрийлар олдинги йилларда ҳам мукофотланган.
Ўзбекистонда уруш қатнашчилари ва Ленинград блокадасидан омон қолганларнинг ҳар бирига 15 миллион сўмдан (1339 доллар) ва қимматбаҳо совғалар берилади. Мамлакатда 236 нафар Иккинчи жаҳон уруши қатнашчиси истиқомат қилади.
Қирғизистонда ушбу мукофот пули 1209 долларни ташкил қилади. Мамлакатда 107 нафар фахрий бор. Қозоғистонда тўловлар миқдори фахрийнинг яшаш жойига ва унинг мақомига боғлиқ. Жумладан, Нур-Султон ва Олмаотада фахрийларнинг ҳар бирига 1 миллион тенге (2229 доллар), Ақтўбеда эса 2 миллион тенге (4459 доллар) берилади. Мамлакатда 387 нафар уруш қатнашчиси бор.
Тожикистонда ҳам тўлов ҳудудга боғлиқ. Масалан, Душанбеда фахрийлар 3000 сомоний (240 доллар), Сўғд вилоятида эса 480 доллар олади. Мамлакатда 59 нафар фахрий мавжуд.
