Ўзбекистон ҳудудида айрим дарахтлар айни мевага кираётган паллада тоғли ҳудудларда ҳаво ҳарорати кескин пасайиши кутилмоқда. Баланд тоғларда хатто қор ёғиши ҳам мумкин. Бу ҳақда Гидрометеорологик илмий таҳлиллар, об-ҳаво прогнозлари канали муаллифи, докторант Эркин Абдулаҳатов хабар бермоқда.
"Айни мавсум шимолдан ўтаётган антициклон четки қисми 10-12 май кунлари ўзбек тоғларида ҳам ҳаво ҳароратини кечалари нол даражагача пасайтиради. Баланд тоғларда қор ёғиши мумкин",-дейилади унда.
Бу иқлимий шароит анча олдин тоғ яйловларида чорва молларини ўтлашга олиб кетган чўпонлар ҳамда асаларичилик тармоғидаги тадбиркорлар ишини қийинлаштириши мумкинлиги айтилади.
