Дортмунднинг "Боруссия" клуби ҳужумчиси Эрлинг Холанд фаолиятини Англия Премьер-лигасида давом эттиради.
"Манчестер Сити" клуби расмий сайти хабар беришича, "шаҳарликлар" Холанд бўйича келишувга эришган. 1 июль кунидан бошлаб у Манчестер клуби сафига расман келиб қўшилади.
Маълум қилинишича, норвегиялик 21 ёшли футболчи "шаҳарликлар" билан 5 йиллик шартнома имзолайди ва ҳафтасига 350 минг фунт маош олади.
Эрлинг жорий мавсум клуби сафида жами 29 ўйинда 28та гол ва 7та ассистга муаллифлик қилган.
