2022 йилда 1 тонна ғалла ҳосили учун кутилаётган минимал нарх — 3 млн сўм.
Қишлоқ хўжалиги вазирлиги ҳамда Ўзбекистон фермер, деҳқон хўжаликлари ва томорқа ер эгалари кенгаши томонидан жаҳон бозори ҳамда минтақавий биржалар нархлари таҳлил қилиниб мазкур миқдор эълон қилинди.
"Бозорлардаги нархлардан келиб чиққан ҳолда ҳар чоракда кутилаётган минимал нархга тузатишлар киритилиб, эълон қилиб борилади",-дейилади вазирлик хабарида.
Қайд этилишича, Ўзбекистон Республикаси Президентининг 2020 йил 6 мартдаги “Ғалла етиштириш, харид қилиш ва сотишга бозор тамойилларини кенг жорий этиш чора-тадбирлари тўғрисида”ги ПҚ-4634-сонли қарорига мувофиқ минтақавий биржалар нархларини таҳлил қилган ҳолда келгуси йил ғалла ҳосили учун кутилаётган минимал нархларни эълон қилиб борилади.
