“Round University Ranking (RUR) – RUR Ranking Agency” – Россия томонидан эълон қилинган дунёнинг етакчи университетларининг халқаро рейтинги 2022 йилги натижалари эълон қилинди.
Ўзбекистон Миллий университети жаҳон рейтингида 754-ўринга эга бўлиб, ўқитувчилар рейтингида 530-ўрин (2021 йилда 613-ўрин), илмий-тадқиқот фаолияти бўйича 801-900-ўрин (2021 йилда – 812-ўрин), Халқаро хилма-хиллик рейтингда 485-ўрин (2021 йилда - 409), Молиявий барқарорлик рейтингида 775-ўринни (2021 йилда - 793) эгаллади.
Ушбу рейтинг 13 йилдан буён дунёнинг 85 та давлатидан 1200 та нуфузли университетни 4 та йўналиш бўйича тақсимланган 20 та кўрсаткич бўйича таққослаб келади.
– Бу натижалар университет таълим сифатини кўтариш, илмий тадқиқот олиб бориш борасида ўз натижаларини яхшилаганидан далолат беради, – дейди университетнинг Халқаро алоқалар бўйича проректори Раима Ширинова. – Мазкур рейтингда Ўзбекистон Республикасидан фақатгина ЎзМУ ТОП-1000 университетлар қаторига кирган биринчи университетдир.
