Бугун, 13 май кундуз куни Қорақалпоғистонда, Хоразм вилоятида эрталаб, республиканинг қолган ҳудудларда кун давомида жойларда қисқа муддатли ёмғир ёғади, момақалдироқ бўлиши мумкин. Баъзи ҳудудларда шамол 15-20 м/с гача кучайиши мумкин. Ҳаво ҳарорати 23-28° гача исийди. "Ўзгидромет" бундан хабардор қилмоқда.
Қайд этилишича, Тошкентда куннинг иккинчи ярмида қисқа муддатли ёмғир ёғади, момақалдироқ бўлиши мумкин. Шамол 12-15 м/с гача кучайиши мумкин. Ҳарорат 25-27° бўлади.
Тоғ олди ва тоғли ҳудудларда вақти-вақти билан ёмғир ёғади, баъзи жойларда кучли ёмғир ёғиши, момақалдироқ бўлиши мумкин. Шамол 15-20 м/с гача кучайиши мумкин. Сел келиши мумкинлиги ҳам айтилмоқда. Ҳаво ҳарорати 10-15° бўлади.
