Шри-Ланка бош вазири Ранил Викремесингхе мамлакатда бензин билан боғлиқ вазият жуда ёмонлигини маълум қилди. Унинг таъкидлашича, Шри-Ланка бир кунлик бензин захирасига эга. Бу ҳақда ТАСС хабар бермоқда.
Қайд этилишича, мамлакат иқтисодий инқирозга учраган ва муҳим товарлар импорти учун тўловларни тўлаш учун кейинги бир неча кун ичида 75 миллион доллар керак бўлади.
"Кейинги бир неча ой ҳаётимиздаги энг қийин ой бўлади. Биз баъзи қурбонликлар қилишга ва замон қийинчиликларига дуч келишга тайёр бўлишимиз керак", деди у.
"Яқин бир неча кун ичида тахминан 75 миллион доллар керак. Ҳозирда бизда бор-йўғи бир кунлик ёқилғи бор," дейди Викремесингхе. Унинг эслатишича, яқинда етказиб берилгани туфайли “дизел ёқилғиси тақчиллиги муаммоси маълум даражада ҳал бўлади”.
Шри-Ланка ҳукумати раҳбари “электр энергиясининг чорак қисми ёқилғи ҳисобидан ишлаб чиқарилгани сабабли, мамлакатда электр энергиясининг ўчиши кунига 15 соатгача етиши мумкин.
