Аввал хабар қилганимиздек, кеча 17 май куни Мўйноқдаги қамишзорда кучли ёнғин содир бўлди. Сал аввал Экология қўмитаси ёнғинни бартараф этишнинг иложи йўқлигини билдирган эди.
Айни пайтда ФВВ матбуот хизмати Мўйноқ тумани, “Залиев” кўлидаги қамишзорда юзага келган ёнғин тўғрисида маълумот тақдим этди.
Келтирилишича, кеча 17 май куни соат 20:00да Мўйноқ тумани, “Залиев” кўлидаги қамишзорда ёнғин бўлаётганлиги тўғрисида Мўйноқ тумани Фавқулодда вазиятлар бўлимига хабар келиб тушган.
Ёнғинга ёнғин қутқарув экипажлари соат 20:40да етиб бориб, 21:05да ёнғин бартараф этилган (Ёнғин ўчириш қисмидан ёнғин содир бўлган манзилгача масофа тахминан 30 км ни ташкил этади). Ёнғин натижасида “Залиев” кўлида 0,5 гектар майдонда қамишзор ёнган.
Айни вақтда ёнғиннинг сабаби аниқланмоқда.
