22-23 май кунлари ҳаво ҳарорати пасайиб кетади, дея хабар бермоқда Uzb_Meteo телеграм канали.
Таъкидланишича, совуқ антициклоннинг марказий ядро қисми Ўзбекистондан ўтмоқда.
Бу турдаги антициклон марказий қисмининг Ўзбекистонга чуқур кириши совуқ даврни беради. Ўзгидромет 23 майга ўтар кечаси деярли барча вилоятларда ҳаво ҳарорати минимумлари +10 +12 даража илиқ, тоғларда +5 даражагача ҳарорат пасайишини прогноз қилмоқда.
Баланд тоғларда, хусусан денгиз сатҳидан 2,5-3 км баландликларда ҳарорат нол даражага пасайиши, қор ёғиши мумкин.
