Асака автомобил заводида ишлаб чиқарилган Chevrolet Tracker автомобили сотуви қачондан бошланиши маълум қилинди. Бу ҳақда "UzAuto Motors" расмий сайти хабар бермоқда.
"Асака автомобил заводида ишлаб чиқарилган Chevrolet Tracker (2023 йил модели) автомобили сотувининг старт олиш санасига расман тескари саноқни бошлади.
Компания Chevrolet Tracker автомобили сотуви бошланишига 100 кун қолганлигини расман маълум қилади.
Жорий йилнинг 30 август санасидан бошлаб янги авлод Chevrolet Tracker автомобилини харид қилишингиз мумкин", - дейилади хабарда.
Аввал хабар берилганидек, "UzAuto Motors" АЖ жорий йилнинг ёзида Chevrolet Tracker автомобилини серияли ишлаб чиқаришни йўлга қўйишни режалаштирган.
Автомобиль ЛЕД ёритгичли кундузги чироқлар, рангли 8 дюмли сенсор дисплей Chevrolet MyLink, 6 динамикли мултимедиа тизими, кўпфункцияли рул, кондиционер, панорамали люк ва орқа ойна истиш тизими, олд ҳамда орқа ойна электроподёмник билан жиҳозланган.
Chevrolet Tracker 2 автомобили 6 та хавфсизлик ёстиқчалари, орқа кўриниш камераси, шиналар босими мониторинги тизими, барқарорликни назорат қилиш тизими (ESP), тормоз (ABS) тизими, тепаликка кўтарилишга ёрдам тизими (ҲСА), орқа парктроникларва болалар ўриндиғи Isofix хавфсизлик технологияларига эга.
