Сенатнинг йигирма олтинчи ялпи мажлиси 2022 йил 28 май куни соат 10:00 да Тошкент шаҳридаги Олий Мажлис Сенатининг мажлислар залида ўз ишини бошлайди.
Ялпи мажлис видеоконференцалоқа тарзида ўтказилиши режалаштирилган.
Ялпи мажлис Сенатнинг ижтимоий тармоқлардаги саҳифалари орқали тўғридан-тўғри ёритиб борилади.
Ўзбекистон Республикаси Президентининг 2021 йил 16 июндаги "Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида"ги Фармонида 2021 йил 1 декабрдан бошлаб Олий Мажлис Қонунчилик палатаси ва Сенати мажлислари, Қорақалпоғистон Республикаси Жўқорғи Кенгеси, халқ депутатлари вилоят, туман, шаҳар Кенгаши сессиялари (ёпиқ мажлислар бундан мустасно) телеканаллар, шунингдек, Интернет тармоғи орқали жонли эфирга узатилиши белгиланган.
28 апрель куни хусусий UzReport TV телеканали орқали Ўзбекистон Олий Мажлиси Сенати мажлисининг тўғридан-тўғри трансляцияси мажлис бошланганидан деярли 8 дақиқа ўтиб телевидениеда ҳам, телеканалнинг YouTube-саҳифасида ҳам тўхтатилгани ОАВ томонидан танқид остига олинган эди.
