Нигерия жанубида муҳтож маҳаллий аҳолига бепул озиқ-овқат тарқатиш пайтида юз берган тиқилинчда камида 31 киши, жумладан, ҳомиладор аёл ва болалар ҳалок бўлди. Бу ҳақда PM News хабар бермоқда.
Манбада айтилишича, эрталаб тадбир ўтказиладиган черков яқинида минглаб одамлар тўпланган. Бепул озиқ-овқатга бўлган тиқилинч натижасида ҳалок бўлганлиги айтилмоқда.
Фожеа сабабли черков юридик маслаҳатчиси ва тадбир ташкилотчиси полиция томонидан қўлга олинган. Тиқилинчда жароҳатланганлар шифохонага юборилган.
