Чилонзор, Шайхонтоҳур ҳамда Учтепа ту манларининг баъзи жойларида газ таъминоти вақтинчалик тўхтатилади. Бу ҳақда "Ҳудудгазтаъминот" хабар бермоқда.
Жумладан, Чилонзор тумани Бешёғоч кўчасида жойлашган ер ости Д-219 мм газ қувурида таъмирлаш ишлари режалаштирилган. Шу сабабли бугун 10:00 дан 18:00 гача Чилонзор тумани “Катта олмазор”, “Олмазор”, “Бешёғоч” маҳаллаларида, Шайхонтоҳур тумани Алишер Навоий кўчасида ҳамда юқорида кўрсатилган манзиллардаги улгуржи истеъмолчиларда газ таъминоти вақтинча тўхтатилади.
Шунингдек, Учтепа тумани “Найман” маҳалласи ҳудудидаги паст босимли Д-89 мм. ер усти газ қувурини хавфсиз жойга кўчириш ишлари “Учтепатумангаз” газ таъминоти бўлими томонидан амалга оширилади. Шу сабабли бугун соат 10:00 дан 17:00 гача “Найман” маҳалласида газ таъминоти вақтинчалик тўхтатилади.
Таъмирлаш ишлари тугатилгандан сўнг табиий газ таъминоти қайта тикланади. Юзага келган ноқулайликлар учун узр сўраймиз, дейилади хабарда.
