Бола машҳур PUBG ўйинига одатланиб қолган ва онасини бунга тўсқинлик қилгани сабаб отиб ўлдирган. Манбаларга кўра, полиция ходимлари аёлнинг қисман парчаланган жасадини топиб, ўлимдан кейинги текширувга жўнатган. Ўсмир қўлга олинган.
Маълумотга асосан, йигит то отаси воқеадан хабар топгунга қадар жасадни икки кун давомида ўз уйининг бир хонасида қулфлаб қўйиб, сақлаган. Ҳодиса юз берган бир пайтда унинг тўққиз яшар синглиси ҳам уйда бўлган. Айтилишича, воқеани ҳеч ким билмаслиги учун акаси унга таҳдид қилган. Чирий бошлаган жасаднинг ҳидини йўқ қилиш учун хонага спрей сепган.
Полиция комиссарининг ўринбосари Қосим Абиди илк тегровдан олинган хулосаларини маълум қилди.
"У бизга онаси уни ўйин ўйнашига тўсқинлик қилганини, шунинг учун уни ўлдирганини айтди. Вояга этмаган бола онасини ўлдириш учун отасининг рўйхатдан ўтган ўқотар қуролидан фойдаланган",-дейди у.
Хабарларга кўра, жасаднинг ҳиди ўткирлашганда, бола отасига воқеа ҳақида хабар берган. Ота қўшниларига қўнғироқ қилган ва улар полицияга хабар беришган.
Дилбар Абдунабиева шарҳлади.
