Ижтимоий тармоқларда Тошкентда қисқи туташув туфайли метро вагонининг бир қисми ёниб кетгани акс видеолавҳа тарқалмоқда.
https://darakchi.uz/uz/146867
Маълумотларга кўра, кеча, 16 июнь куни тунги вақтда Сергели туманидаги ер усти метро поезди қисқа туташув туфайли тўхтаб қолган. Бунинг оқибатида поезднинг ён қисми ёниб кетган.
Ҳолат юзасидан Транспорт вазирлиги расмий муносабат билдирди:
"Жорий йилнинг 16 июнь куни соат 20:05 лар атрофида "Eр усти ҳалқа йўли" йўналишининг 6 ва 7 бекатлари оралиғида жойлашган йўл четидаги тўсин тункасининг бир қисми кучли шамол сабабли ўз ўрнидан кўчиши натижасида ҳаракатланиб келаётган ҳаракат таркибининг ток қабул қилиш мосламасига теккан. Натижада эса қисқа туташув содир бўлган.
Шундан сўнг, машинист ҳаракат таркибини тўхтатиб, ҳаракатланишга хавф соладиган ҳолатлар йўқлигини текшириб, ўз ўналишида ҳаракатни давом эттирган.
Метрополитен масъул ходимлар ҳолат юзасидан жойига бориб ўрганиш ишларини олиб боришди" дейилади хабарда.
